Turunane ibu Hawa bapak Adam
Gelem netepi peraturan iman islam
Gelis wudlu tandang sholat rong rokaat
Gawe gedong ning suwargo nikmat rohmat

Gedung suwargo boto emas perak saloka
Mambu kasturi ja’faran kanggo ‘ndika
Sapa wonge pengin sugih donya akhirat
Awan kerja bengi tho’at aja kliwat

Bathuk mudhun sikil madal sujud sukur
Dedongane mugi slamet subur makmur
Alloh Alloh, Ya Alloh Gusti Alloh
Nyuwun kulo, tutuk ngucap ati obah

Sopo wonge berjamaah ora mikir
Alamate ning akhirat ora bakal fakir
Fakir ning ndonya ana watese
Fakir ning akhirat saklawas-lawase

Turunane ibu Hawa bapak Adam
Gelem netepi peraturan iman islam
Beresana ati kang banget kotore
Tomak, hasud, ujub, riya’ takabure

Sekedap netra ati musyrik marang Alloh
Den suceni maca syahadat eling Alloh
Sopo wonge gonjang-ganjing syahadat
Pikir peteng uripe banget ribute

Alloh Alloh, Ya Alloh Gusti Pangeran
Nyuwun seneng ibadah kulo nembe ajaran
Alloh Alloh, Ya Alloh Gusti Pangeran
Nyuwun ditrimo ibadah kulo nembe ajaran

Kanjeng Nabi awan bengi nangis wae
Ningal umate isih pada lali wae
Kanjeng Nabi kurang dhahar kurang sare
Melas umate isih pada ya keliru

Ya Alloh Alloh Alloh, Ya Rosululloh
Nyuwun slamet dateng Gusti, Ya Rosululloh
Alloh Alloh Alloh Alloh ighfirlana
Nyuwun ngapunten dateng Gusti, Ya Maulana

Ya Habibi Ya Sayyidi Ya Khalifah
Nyuwun syafaat se ahl kulo tiyang salah
Masya Alloh Masya Alloh kulo umat
Sedulur kabeh ngatos-atos gawe tho’at

Alloh Alloh, Ya Maulana Khalifah Rosul
Kawulo umat nyuwun nggandul
Lii khomsatun uthfi fiihaa kharrol wabaa il khotimah
Al musthafa wal murtadloo wabnaa umah wa fathiimah

Nyuwun tulung Gusti angsal syafaate
Saking panas panggebug kang sesangete
Gusti Nabi Gusti Ali putro garwo
Mugi-mugi iman kulo kang kegowo